4.1 ຕົວດຳເນີນການໃນ PHP
ຕົວດຳເນີນການ ແມ່ນສັນຍາລັກ
ຫຼືເຄື່ອງໝາຍທີ່ກະທຳກັບຂໍ້ມູນ ຫຼືຕົວປ່ຽນ
ຈົນເຮັດໃຫ້ເກີດຜົນຮັບ ສຳລັບຕົວດຳເນີນການໃນພາສາ PHP
ສາມາດແບ່ງໄດ້ຫຼາຍປະເພດດັ່ງນີ້:
1) ຕົວດຳເນີນການທາງຄະນິດສາດ.
ເປັນຕົວດຳເນີນການທີ່ໃຊ້ດຳເນີນການກັບຕົວເລກ ມີລາຍລະອຽດດັ່ງນີ້:
| ຕົວດຳເນີນການ | ການດຳເນີນການ | ຕົວຢ່າງ | ຄວາມໝາຍ |
| + | ບວກ | $a+$b | ບວກຄ່າຕົວປ່ຽນ a ກັບຄ່າຕົວປ່ຽນ b |
| - | ລົບ | $a-$b | ລົບຄ່າຕົວປ່ຽນ a ກັບຄ່າຕົວປ່ຽນ b |
| * | ຄູນ | $a*$b | ຄູນຄ່າຕົວປ່ຽນ a ກັບຄ່າຕົວປ່ຽນ b |
| / | ຫານ | $a/$b | ຫານຄ່າຕົວປ່ຽນ a ກັບຄ່າຕົວປ່ຽນ b |
| % | ຫານເອົາຄ່າເສດ | $a%$b | ຫານຄ່າຕົວປ່ຽນ a ກັບຄ່າຕົວປ່ຽນ b (ເອົາຄ່າເສດເປັນຜົນຮັບ) |
ຕົວຢ່າງ:
| <?php $x=7; $y=5; echo "value of \$x=$x, and value of \$y=$y<br>"; echo"\$x+\$y=",$x+$y,"<br>"; echo"\$x-\$y=",$x-$y,"<br>"; echo"\$x*\$y=",$x*$y,"<br>"; echo"\$x/\$y=",$x/$y,"<br>"; echo"\$x%\$y=",$x%$y,"<br>"; ?> |
ຜົນໄດ້ຮັບ
2) ຕົວດຳເນີນການເພີ່ມຄ່າ ແລະລຸດຄ່າ.
ເປັນຕົວດຳເນີນການທີ່ໃຊ້ໃນການເພີ່ມ
ຫຼືລຸດຄ່າຂອງຕົວປ່ຽນລົງ 1 ຄ່າ
ໂດຍມີຮູບແບບການໃຊ້ທີ່ແຕກຕ່າງກັນອອກໄປຄື:
| ຕົດດຳເນີນການ | ການດຳເນີນການ | ຕົວຢ່າງການນຳໃຊ້ |
| ++ຕາມຫຼັງ | ເພີ່ມຂຶ້ນ1ຄ່າຫຼັງການເອີ້ນໃຊ້ | $a++ |
| ++ນຳໜ້າ | ເພີ່ມຂຶ້ນ1ຄ່າຄະນະເອີ້ນໃຊ້ | $++a |
| --ຕາມຫຼັງ | ລຸດລົງ1ຄ່າຫຼັງການເອີ້ນໃຊ້ | $a-- |
| --ນຳໜ້າ | ລຸດລົງ1ຄ່າຄະນະເອີ້ນໃຊ້ | $--a |
ຕົວຢ່າງ:
| <?php $x=7; echo "start value of \$x=$x<br>"; echo"\$x++=",$x++,"<br>"; echo "\$x=",$x,"<br>"; echo"++\$x=",++$x,"<br>"; echo "\$x=",$x,"<br>"; echo"\$x--=",$x--,"<br>"; echo "\$x=",$x,"<br>"; echo"--\$x=",--$x,"<br>"; echo "\$x=",$x,"<br>"; ?> |
ຜົນໄດ້ຮັບ
3) ຕົວດຳເນີນການປຽບທຽບ.
ເປັນຕົວດຳເນີນການທີ່ໃຊ້ໃນການປຽບທຽບຄ່າ
ຂອງຕົວປ່ຽນ ໂດຍຄ່າທີ່ໄດ້ຮັບຈາກການປຽບທຽບຈະມີຢູ່ 2 ຄ່າຄື:
true ແລະ false ເຊິ່ງມີລາຍລະອຽດດັ່ງລຸ່ມນີ້:
| ຕົວດຳເນີນການ | ການດຳເນີນການ | ຕົວຢ່າງ $x=4,$y=3 | ຜົນໄດ້ຮັບຂອງຕົວຢ່າງ |
| == | ເທົ່າກັບ | $x==$y | False |
| != ຫຼື <> | ບໍ່ເທົ່າກັບ | $x!=$y | True |
| < | ນ້ອຍກວ່າ | $x<$y | False |
| > | ໃຫຍ່ກວ່າ | $x>$y | True |
| <= | ນ້ອຍກວ່າຫຼືເທົ່າກັບ | $x<=$y | False |
| >= | ໃຫຍ່ກວ່າຫຼືເທົ່າກັບ | $x>=$y | True |
4) ຕົວດຳເນີນການທາງຕັກກະສາດ(Logical Operator).
ເປັນຕົວດຳເນີນການທີ່ໃຊ້ໃນການປຽບທຽບກັນໂດຍ
ໃຊ້ຫຼັກການທາງຕັກກະສາດ ໂດຍຜົນຮັບຈາກການດຳເນີນການຈະມີ 2
ຄ່າຄື: true ແລະ false ເຊິ່ງມີລາຍລະອຽດດັ່ງນີ້:
| ຕົວດຳເນີນການ | ການດຳເນີນການ | ຕົວຢ່າງ $a=4,$b=3 | ຜົນຮັບ |
| And ຫຼື && | ແລະ | ($a>$b)&&($a<$b) | true ເມື່ອທັງສອງພາກເປັນ true |
| Or ຫຼື || | ຫຼື | ($a>$b)&&($a<$b) | false ເມື່ອທັງສອງພາກເປັນ false |
| ! | ປະຕິເສດ | !($a>$b)&&($a<$b) | true ຖ້າຜົນຮັບເປັນ false |
5) ຕົວດຳເນີນການທາງຂໍ້ຄວາມ.
ເປັນຕົວດຳເນີນການທີ່ໃຊ້ສັນຍາລັກທາງຄະນິດສາດໃນການລວມຂໍ້ຄວາມ ຫຼືຕໍ່ປະໂຫຍດເຂົ້າກັນ ເຊິ່ງມີລາຍລະອຽດດັ່ງນີ້:
| ຕົວດຳເນີນການ | ການດຳເນີນການ | ຕົວຢ່າງ | ຄວາມໝາຍ |
| . | ຈ້ຳເມັດ | $a.$b | ນຳເອົາຂໍ້ຄວາມ ຫຼືຕົວປ່ຽນມາຕໍ່ລວມກັນ |
| .= | ຈ້ຳເມັດເທົ່າກັບ | $a.=$b | ນຳເອົາຕົວປ່ຽນດຽວກັນເຊື່ອມຕໍ່ກັນ |
ຕົວຢ່າງ:
| <?php $txt1="Ngaviseth"; $txt2="Phomvongsa"; echo $txt1." ".$txt2."<br>"; $a=32; $a.="years"; echo $a; ?> |
ຜົນໄດ້ຮັບ
