ບົດຮຽນພາສາ PHP: ບົດທີ 6 ການສ້າງຟັງຊັນຂອງ PHP

6.1 ຟັງຊັນໃນ PHP

ຟັງຊັນທີ່ຜູ້ຂຽນໂປຣແກຣມສ້າງຂຶ້ນມາເພື່ອນຳໄປໃຊ້ງານເອງໝາຍເຖິງຊຸດຄຳສັ່ງຍ່ອຍໆຫຼືໂປຣແກຣມຍ່ອຍທີ່ຖືກຂຽນຂຶ້ນມາ
ເພື່ອໃຊ້ງານຮ່ວມກັບຄຳສັ່ງ ຫຼືຟັງຊັນອື່ນໆໃນໂປຣແກຣມ ເພື່ອໃຫ້ໂປຣແກຣມເຮັດວຽກໄດ້ສົມບູນແບບ ໂດຍຊຸດຄຳສັ່ງຍ່ອຍນີ້ສາມາດຖືກເອີ້ນໃຊ້ຊ້ຳໄດ້ຫຼາຍຄັ້ງ ເຊັ່ນ ຄຳສັ່ງກວດສອບຂໍ້ຄວາມທີ່ບໍ່ເໝາະສົມ,ຄຳສັ່ງສະແດງວັນເວລາ ເປັນຕົ້ນ.
ຈຸດດີຂອງການສ້າງຟັງຊັນຂຶ້ນມາໃຊ້ງານເອງຄື ລຸດຜ່ອນການຂຽນໂປຣແກຣມທີ່ຄືກັນໂດຍບໍ່ຕ້ອງຂຽນຫຼາຍເທື່ອ ເຊິ່ງຈະມີການເກັບຊຸດຄຳສັ່ງໄວ້ພຽງຊຸດດຽວ ແລະ ຊ່ວຍໃຫ້ການແກ້ໄຂໃນພາຍຫຼັງງ່າຍຂຶ້ນເມື່ອເວລາຊຸດຄຳສັ່ງຍ່ອຍມີ ການປ່ຽນແປງ.

1) ຕົວປ່ຽນສົ່ງ ແລະ ຕົວປ່ຽນຮັບ.

ກ່ອນທີ່ເຮົາຈະສ້າງຟັງຊັນໄວ້ໃຊ້ງານ ເຮົາຕ້ອງຮຽນຮູ້ ແລະເຂົ້າໃຈກ່ຽວກັບຕົວປ່ຽນ 2 ປະເພດຄື: ຕົວປ່ຽນສົ່ງ ແລະ ຕົວປ່ຽນຮັບ

+ ຕົວປ່ຽນສົ່ງ(Parameter) ແມ່ນຕົວປ່ຽນທີ່ຟັງຊັນສ້າງໄວ້ຮັບຄ່າທີ່ຈະສົ່ງເຂົ້າມາ ແລະຈະນຳເອົາຄ່າຕົວປ່ຽນເຫຼົ່ານັ້ນໄປປະມວນຜົນໃນຟັງຊັນ.
+ ຕົວປ່ຽນຮັບ(Argument) ແມ່ນຕົວປ່ຽນທີ່ສົ່ງຄ່າມາໃຫ້ຟັງ ເຊິ່ງຈະໃຊ້ໃນການເອີ້ນໃຊ້ງານຟັງຊັນ

2) ສ່ວນປະກອບຂອງຟັງຊັນ.

ຟັງຊັນທີ່ເຮົາຈະສ້າງຂຶ້ນມີສ່ວນປະກອບທີ່ສຳຄັນ 2 ສ່ວນຄື:

2.1 ສ່ວນປະກາດຟັງຊັນ: ປະກອບດ້ວຍ ຊື່ຟັງຊັນ,ຕົວປ່ຽນສົ່ງ,ຄຳສັ່ງຕ່າງໆທີ່ຕ້ອງການໃຫ້ຟັງຊັນເຮັດວຽກ ແລະການຄືນຄ່າຂອງຟັງຊັນ(ອາດຈະມີ ຫຼືບໍ່ມີກໍ່ໄດ້) ມີຮູບແບບການສ້າງຟັງຊັນ

function ຊື່ຟັງຊັນ ($parameter1,$parameter2,...)
{
ຄຳສັ່ງຕ່າງໆທີ່ຕ້ອງການໃຫ້ຟັງຊັນເຮັດວຽກ;
ການຄືນຄ່າຂອງຟັງຊັນ(ອາດຈະມີ ຫຼືບໍ່ມີກໍ່ໄດ້);
}

2.2 ສ່ວນການເອີ້ນໃຊ້ຟັງຊັນ: ຈະປະກອບດ້ວຍຊື່ທີ່ໃຊ້ເອີ້ນຟັງຊັນຂຶ້ນມາໃຊ້ງານ ຕາມຄ່າຕົວປ່ຽນຮັບ ເຊິ່ງມີຮູບແບບການຂຽນດັ່ງນີ້

ຊື່ຟັງຊັນ (Argument1, Argument2);

ຕົວຢ່າງ:

<?
function convert_month($input) {
$month=array("","Jan","Feb","Mar","Apl","May","Jun","Jul","Ags","Set","Obt",
"Nov","Dec");
return $month[$input];
}
$num=12;
echo convert_month($num);
?>

ຜົນໄດ້ຮັບ

ຈາກຕົວຢ່າງຂ້າງເທິງນີ້ ເຮົາປະກາດຟັງຊັນຊື່ convert_month ແລະ ກຳນົດຕົວປ່ຽນ $num ເກັບເລກລຳດັບຂອງເດືອນເທົ່າກັບ 12 ແລ້ວສົ່ງຄ່າຕົວປ່ຽນ $num ເຂົ້າໄປປະມວນຜົນໃນຟັງຊັນ ແລ້ວຟັງຊັນຈະຄືນຄ່າອອກມາເປັນຊື່ຂອງເດືອນ.

3. ຟັງຊັນທີ່ບໍ່ມີການຄືນຄ່າ.

ຟັງຊັນທີ່ບໍ່ມີການຄືນຄ່າ ຈະໃຊ້ຄຳສັ່ງ return ໃນຈຸດທີ່ຕ້ອງການຍຸດການເຮັດວຽກພາຍໃນຟັງຊັນ ແລ້ວເຮັດວຽກໃນຂັ້ນຕອນຕໍ່ໄປ
ຕົວຢ່າງ:

<?
function checkmail($checkmail) {
if(ereg("^[^@]+@([a-zA-Z0-9\-]+\.)+([a-zA-Z0-9\-] {2} |net|com|org)$",$checkmail) ) {
echo "Your email address is correct<br>";
return;
}
else
{
echo "Your email address is wrong<br>";
return;
}
}
$email1="ngaviseth@hotmail.com";
$email2="ngaviseth#hotmail.com";
checkmail($email1);
checkmail($email2);
?>

ຜົນໄດ້ຮັບ

4. ຟັງຊັນທີ່ມີການຄືນຄ່າ.

ຟັງຊັນທີ່ມີການຄືນຄ່າ ຫຼືຜົນຮັບກັບອອກມາຈາກຟັງຊັນສ່ວນຫຼາຍເປັນຟັງຊັນປະເພດທີ່ ຕ້ອງການຄຳນວນ ໂດຍຈະໃຊ້ຄຳສັ່ງ return ຕາມດ້ວຍຄ່າທີ່ຕ້ອງການສົ່ງກັບ ເຊິ່ງຄ່າທີ່ສົ່ງກັບໄປອາດຈະເປັນຕົວປ່ຽນ,ຄ່າຄົງຄ່າ ຫຼືຟັງຊັນກໍ່ໄດ້.
ຕົວຢ່າງ:

<?
function summary($intx,$inty) {
$sum=$intx+$inty;
return($sum);
}
$x=10;
$y=12;
$z=summary($x,$y);
echo "x=$x,y=$y<br>";
echo "sum of x + y = ",$z;
?>

ຜົນໄດ້ຮັບ