ບົດຮຽນພາສາ PHP: ບົດທີ 2 ຄຳສັ່ງພາສາ PHP

PHP ເປັນພາສາຈຳພວກ scripting language ຄຳສັ່ງຕ່າງໆຈະເກັບຢູ່ໃນເອກະສານທີ່ເອີ້ນວ່າ ສະຄຣິບ(script) ເວລາໃຊ້ຕ້ອງອາໃສໂປຣແກຣມແປຄຳສັ່ງ ຕົວຢ່າງຂອງພາສາສະຄຣິບຄື: javascript, Perl ເປັນຕົ້ນ. ລັກສະນະຂອງ PHP ທີ່ຕ່າງຈາກສະຄຣິບອື່ນໆກໍ່ຄື ໄດ້ຮັບການພັດທະນາ ແລະ ອອກແບບມາເພື່ອໃຊ້ໃນການສ້າງເອກະສານແບບ HTML ໂດຍສາມາດສອດແຊກ ຫລື ແກ້ໄຂເນື້ອຫາໄດ້ ໂດຍອັດຕະໂນມັດ,ເປັນພາສາທີ່ເອີ້ນວ່າ server-side ເປັນເຄື່ອງມືສຳຄັນຊະນິດໜຶ່ງທີ່ຊ່ວຍໃຫ້ເຮົາສ້າງເອກະສານແບບ dynamic HTML ໄດ້ຢ່າງມີປະສິດທິພາບ.

2.1 ຮູບແບບຄຳສັ່ງຂອງພາສາ PHP

ໃນພາສາ PHP ມີຮູບແບບການຂຽນຄຳສັ່ງຢູ່ 3 ແບບ ຄື:

1) ໃຊ້ <? ..... ?>

ຕົວຢ່າງ:

<?
echo "Hello PHP";
?>

2) ໃຊ້ <?php .... ?>

ຕົວຢ່າງ:

<?php
echo "Hello PHP";
?>

3) ໃຊ້ <script language="php">.................</script>

ຕົວຢ່າງ:

ເຮົາສາມາດຂຽນຄຳສັ່ງພາສາ PHP ສອດແຊກໄວ້ໃນ HTML ໄດ້
ໂດຍມີວີທີຂຽນດັ່ງນີ້:

ຕົວຢ່າງ:
<html>
<head>
<title>PHP command</title>
</head>
<body>
   <?php
     echo "Welcome to learn PHP";
   ?>
</body>
</html>

2.2 ຄຳສັ່ງສະແດງຜົນຂອງ PHP

ໃນການສະແດງຜົນຂອງໂປຣແກຣມພາສາ PHP ມີຄຳສັ່ງຢູ່ 3 ຮູບແບບ ຄື:

1) ຄຳສັ່ງ echo
ຮູບແບບການຂຽນ: echo " ຂໍ້ມູນທີ່ຕ້ອງການສະແດງຜົນຮັບ ";

ຕົວຢ່າງ:
   <?php
     echo "Welcome to learn PHP";
   ?>

2) ຄຳສັ່ງ print
ມີຮູບແບບການຂຽນ: print "ຂໍ້ມູນທີ່ຕ້ອງການສະແດງຜົນຮັບ";

ຕົວຢ່າງ:

   <?php
    print "Welcome to learn PHP";
   ?>

ຄວາມແຕກຕ່າງລະຫວ່າງຄຳສັ່ງ print( ) ກັບ echo( ) ຄື: ຄຳສັ່ງ print( ) ບໍ່ສາມາດຈຳແນກຂໍ້ຄວາມກັບນິພົດ ຫຼືຄ່າຂອງຕົວປ່ຽນໃດໆດ້ວຍເຄື່ອງໝາຍຈຸດ ( , ) ແຕ່ຄຳສັ່ງ echo( ) ສາມາດຈຳແນກໄດ້ເຊັ່ນ print "1+2=",1+2"; ຜົນໄດ້ຮັບຈະ error ຖ້າໃຊ້
echo "1+2=",1+2"; ຈະໄດ້ຜົນຮັບເປັນ 1+2=3

3) ຄຳສັ່ງ printf
ມີຮູບແບບການຂຽນ: printf("ຂໍ້ມູນທີ່ຕ້ອງການສະແດງຜົນ");

ຕົວຢ່າງ:

   <?php
    printf("Welcome to learn PHP");
   ?>

ນອກຈາກນັ້ນ ຄຳສັ່ງ printf( ) ຍັງມີລັກສະນະພິເສດຄືສາມາດຈັດຮູບແບບການສະແດງຜົນຂອງຂໍ້ມູນທີ່ເປັນຕົວເລກ

ໃນຮູບແບບຕ່າງໆດັ່ງຕາຕະລາງລຸ່ມນີ້:

ສັນຍາລັກ	ຄຳອະທິບາຍ
%d	ສະແດງຄ່າຕົວເລກໃນຮູບແບບເລກຖານສິບ
%b	ສະແດງຄ່າຕົວເລກຈຳນວນເຕັມໃນຮູບແບບເລກຖານສອງ
%c	ສະແດງຄ່າຕົວເລກຈຳນວນເຕັກໃນຮູບແບບລະຫັດ ASCII
%f	ສະແດງຄ່າຕົວເລກໃນຮູບແບບເລກທົດສະນິຍົມ ຫຼືເລກເສດ
%o	ສະແດງຄ່າຕົວເລກໃນຮູບແບບເລກຖານແປດ
%s	ສະແດງຄ່າໃນຮູບແບບຂໍ້ຄວາມ ຫຼື ສະຕຣິງ(String)
%x	ສະແດງຄ່າຕົວເລກໃນຮູບແບບເລກຖານສິບຫົກ(ຕົວພິມນ້ອຍ)
%X	ສະແດງຄ່າຕົວເລກໃນຮູບແບບເລກຖານສິບຫົກ(ຕົວພິມໃຫຍ່)

ຕົວຢ່າງ:

   <?php
    printf("10/3=%d<br>",10/3);
  printf("10/3=%2f",10/3);
   ?>